अग्रिम बुकिङको यही गति कायम रहेमा प्रदर्शनको पहिलो दिन २०० भन्दा बढी शो हाउसफुल हुने र बाँकी शोमा पनि उच्च अकुपेन्सी रहने अनुमान गरिएको छ। यसबाट चलचित्रले घरेलु बक्स अफिसमा पहिलो दिन नै १ करोड ५० लाख रुपैयाँभन्दा बढी कारोबार गर्न सक्ने अपेक्षा गरिएको छ।यसअघि ‘कबड्डी ४’ ले प्रदर्शनको पहिलो दिन नेपालमा १ करोड २५ लाख रुपैयाँको बक्स अफिस कारोबार गरेको रेकर्ड बनाएको थियो। उक्त चलचित्रले १०० भन्दा बढी शो हाउसफुल गराउँदै नेपाली चलचित्र बजारमा उल्लेखनीय सफलता हासिल गरेको थियो।‘कबड्डी ५’ को अग्रिम बुकिङले देखाएको उत्साहलाई हेर्दा यसले अघिल्लो शृङ्खलाको रेकर्ड तोड्ने सम्भावना बलियो देखिएको छ। यद्यपि, अग्रिम बुकिङका आधारमा गरिएको अनुमान र प्रदर्शनपछि प्राप्त हुने वास्तविक बक्स अफिस कारोबार फरक हुन सक्छ।अब दर्शकको उत्साहलाई वास्तविक व्यापारमा रूपान्तरण गर्दै ‘कबड्डी ५’ ले पहिलो दिन कति कमाइ गर्छ भन्ने विषय नेपाली चलचित्र क्षेत्रका लागि चासोको विषय बनेको छ।
]]>
दसैँको अवसर पारेर विद्यालयमा आयोजित शुभकामना आदानप्रदान कार्यक्रममा चैतन्य पाठशालाका प्राचार्य प्रेमनिधि ओझाले गिरीलाई सुपर स्प्लेन्डर मोटरसाइकल हस्तान्तरण गर्दै सम्मान गरेका हुन्।
सम्मान कार्यक्रममा प्राचार्य ओझाले गिरीले विद्यालयको विकास र व्यवस्थापनमा महत्त्वपूर्ण योगदान पुर्याएको भन्दै त्यसको कदरस्वरूप सम्मान गरिएको बताए। विद्यालयको उन्नति र प्रगतिका लागि योगदान पुर्याउने व्यक्तिहरूको हौसला बढाउन सम्मानले प्रेरणा दिने उनको भनाइ थियो।
त्यस्तै, चैतन्य पाठशालाका अध्यक्ष गणेशप्रसाद जोशीले विद्यालयका व्यवस्थापकका रूपमा गिरीले संस्थालाई पुर्याएको योगदानको कदर गर्दै मोटरसाइकल उपहार प्रदान गरिएको बताए। उनले विद्यालयको विकासमा योगदान पुर्याउने शिक्षक तथा कर्मचारीको सम्मान र सहयोगका लागि संस्था आगामी दिनमा पनि तत्पर रहने प्रतिबद्धता व्यक्त गरे।
मोटरसाइकल ग्रहण गर्दै गिरीले आफ्नो योगदानको कदर गर्दै सम्मान गरेकोमा विद्यालय परिवारप्रति धन्यवाद व्यक्त गरे। ]]>
।स्मृति दिवसका अवसरमा सेती प्रादेशिक अस्पतालमा उपचाररत बिरामीहरूलाई फलफूल तथा जुस वितरण गरिएको थियो। अस्पतालमा उपचार गराइरहेका बिरामीहरूको स्वास्थ्यलाभको कामना गर्दै गरिएको उक्त कार्यक्रमले मानवीय सेवा र सामाजिक उत्तरदायित्वको सन्देश दिएको छ। बिरामीलाई फलफूल तथा जुस वितरण गर्ने कार्यक्रममा निर्माण व्यवसायीहरूको सहभागिता रहेको थियो।त्यसैगरी, निर्माण व्यवसायी संघ कैलालीको परिसरमा सरसफाइ कार्यक्रम सञ्चालन गरिएको थियो। संघको कार्यालय परिसरलाई स्वच्छ र सफा राख्ने उद्देश्यले गरिएको सरसफाइले सामाजिक तथा संस्थागत जिम्मेवारीप्रतिको प्रतिबद्धता पनि झल्काएको छ।निर्माण व्यवसायी संघ कैलालीले स्मृति दिवसका अवसरमा आयोजना गरेका यी गतिविधिले दिवंगत गौचनको सम्झनालाई सामाजिक सेवासँग जोड्ने प्रयास गरेको छ। स्मरण, श्रद्धाञ्जली र सेवामूलक कार्यमार्फत उहाँप्रति सम्मान व्यक्त गरिएको कार्यक्रममा निर्माण व्यवसायीहरूको सामूहिक सहभागिताले आपसी एकता र सामाजिक जिम्मेवारीको महत्त्वलाई समेत उजागर गरेको छ।शहिद शरद कुमार गौचनको नवौँ स्मृति दिवसका अवसरमा आयोजित स्मृति सभा, बिरामीलाई फलफूल तथा जुस वितरण र सरसफाइ कार्यक्रमले स्मृतिलाई व्यवहारमा उतार्दै समाजप्रतिको दायित्व निर्वाह गर्ने सन्देश दिएको छ। निर्माण व्यवसायी संघ कैलालीको आयोजनामा सम्पन्न कार्यक्रमले दिवंगत गौचनप्रतिको सम्मान व्यक्त गर्नुका साथै मानवीय सेवा र स्वच्छ वातावरणको महत्त्वलाई पनि जोड दिएको छ।
]]>पार्टीको केन्द्रीय नेतृत्वमा युवाको सहभागिता उमेरको प्रतिनिधित्वमा मात्र सीमित नभई विभिन्न समुदायका मुद्दा र अपेक्षालाई नीति निर्माणको तहसम्म पुर्याउने माध्यम बन्नुपर्ने उनको भनाइ छ ।‘कांग्रेस सबै जातजाति, भाषा, धर्म र समुदायको साझा पार्टी बन्नुपर्छ भन्ने मेरो मान्यता हो,’ उनले भने, ‘मुस्लिम समुदायको प्रतिनिधित्वसँगै समावेशी र युवा कांग्रेस निर्माणका लागि मेरो उम्मेदवारी हो ।’डेढ दशकदेखि कांग्रेसको राजनीतिमा सक्रिय हक विद्यार्थी जीवनदेखि नै पार्टीका विभिन्न संगठनात्मक गतिविधिमा संलग्न हुँदै आएका छन् । मोरङ–५ बाट महाधिवेशन प्रतिनिधिमा निर्विरोध निर्वाचित भएपछि उनले युवाका मुद्दा, सामाजिक सरोकार तथा समुदायगत प्रतिनिधित्वलाई पार्टीको केन्द्रीय तहमा प्रभावकारी रूपमा उठाउने प्रतिबद्धता जनाएका छन् ।
सामाजिक क्षेत्रमा समेत सक्रिय हक लियो तथा लायन्स क्लब, करिब फाउन्डेसन, युथ युनिटी क्लब अफ नेपाल र फिड द निड नेपाल क्लबलगायत संस्थामार्फत सामाजिक गतिविधिमा सहभागी हुँदै आएका छन् । उनले आफ्नो उम्मेदवारीका लागि युवा पुस्तासहित सबै समुदायको साथ र समर्थनको अपेक्षा गरेका छन् ।कांग्रेसले १५औँ महाधिवेशनका लागि असोज १६ देखि १९ गतेसम्मको कार्यतालिका सार्वजनिक गरेको छ । केन्द्रीय निर्वाचन समितिले महाधिवेशनअन्तर्गत केन्द्रीय कार्यसमिति निर्वाचनका लागि अन्तिम मतदाता नामावलीसमेत प्रकाशित गरिसकेको छ ।
]]>धनगढीस्थित सितार होटलमा आयोजित उक्त कार्यक्रममा हिमालयन लाइफ इन्स्योरेन्स लिमिटेडका प्रदेश उप-प्रमुख प्रमानन्द पन्त को प्रमुख आथित्यमा सप्पन्न भएको कार्यक्रममा अभिकर्ताहरूको व्यावसायिक क्षमता अभिवृद्धि, बीमा बजारका पछिल्ला गतिविधि, ग्राहक सेवा तथा आगामी दिनमा प्रभावकारी रूपमा कार्यसम्पादन गर्ने विषयमा प्रशिक्षण तथा अन्तरक्रिया गरिएको थियो।
कार्यक्रममा धनगढी प्रादेशिक कार्यालयअन्तर्गत रहेका विभिन्न क्षेत्रका १२० जनाभन्दा बढी अभिकर्ताहरूको उत्साहजनक सहभागिता रहेको थियो। कार्यक्रममा अभिकर्ताहरूलाई बीमा व्यवसायमा देखिएका अवसर तथा चुनौतीबारे जानकारी गराउँदै आफ्नो ज्ञान, सीप र कार्यक्षमता थप मजबुत बनाउन प्रेरित गरिएको थियो।
कार्यक्रमको सञ्चालन धनगढी शाखा प्रमुख प्रेम बहादुर ऐरले गर्नुभएको थियो। उहाँले अभिकर्ताहरूको सक्रियता, निरन्तरता र व्यावसायिक दक्षताले संस्थाको व्यवसायिक विकासमा महत्वपूर्ण योगदान पुग्ने बताउँदै आगामी दिनमा अझ प्रभावकारी ढंगले कार्य गर्न सबैलाई आग्रह गर्नुभयो।
कार्यक्रमका क्रममा विभिन्न विधामा उत्कृष्ट प्रदर्शन गर्ने विजेता तथा अभिकर्ताहरूलाई सम्मान तथा पुरस्कार प्रदान गरिएको थियो। उत्कृष्ट कार्यसम्पादन गर्ने अभिकर्ताहरूको योगदानको कदर गर्दै सम्मान गरिएको कार्यक्रमले सहभागीहरूमा थप उत्साह र ऊर्जा प्रदान गरेको थियो।
कार्यक्रममा सहभागी अभिकर्ताहरूले यस्तो प्रकारको पुनर्ताजगी तथा क्षमता अभिवृद्धि कार्यक्रमले आफूहरूलाई नयाँ ऊर्जा, ज्ञान र कार्यक्षेत्रमा थप सक्रिय हुने प्रेरणा प्राप्त भएको प्रतिक्रिया दिएका थिए।
हिमालयन लाइफ इन्स्योरेन्स लिमिटेडले अभिकर्ताहरूको क्षमता विकास तथा व्यवसायिक दक्षता अभिवृद्धिका लागि आगामी दिनमा पनि यस्ता कार्यक्रमलाई निरन्तरता दिने जनाएको छ। ]]>
भोटेकोशी नदीमा आएको बाढीका कारण ठूलो मानवीय तथा भौतिक क्षति भएपछि विपद्मा परेका नागरिकलाई सहयोग पुर्याउने उद्देश्यले समाजले उक्त रकम संकलन गरेको हो। समाजका अनुसार कैलाली जिल्लाका १३ वटै स्थानीय तहमा आबद्ध विभिन्न चर्च तथा कार्यसमिति सदस्यहरूबाट स्वेच्छिक रूपमा सहयोग रकम संकलन गरिएको थियो।
संकलित रकम प्रधानमन्त्री दैवी प्रकोप उद्धार कोषमा जम्मा गरिएको समाजले जनाएको छ। विपद्को समयमा प्रभावित नागरिकको उद्धार तथा राहतमा सहयोग पुगोस् भन्ने उद्देश्यले संस्थागत रूपमा रकम संकलन गरी कोषमा जम्मा गरिएको समाजका पदाधिकारीहरूले बताएका छन्।
भाद्र १० गते भोटेकोशी नदीमा आएको बाढीबाट भएको ठूलो मानवीय तथा भौतिक क्षतिप्रति ख्रिष्टिय एकता समाज कैलालीले गहिरो दुःख व्यक्त गरेको छ। बाढी तथा त्यसबाट सिर्जित विपद्का क्रममा ज्यान गुमाउने नागरिकहरूप्रति समाजले भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गरेको छ।
त्यस्तै, बाढीका कारण बेपत्ता भएका नागरिकहरूको सकुशल उद्धार तथा घाइतेहरूको शीघ्र स्वास्थ्यलाभको कामना गर्दै समाजले विपद्को समयमा सबै पक्षलाई सहयोग र सहकार्यका लागि आग्रह गरेको छ।
प्राकृतिक विपद्का कारण प्रभावित नागरिकको जीवन सामान्य अवस्थामा फर्काउन तत्काल उद्धारसँगै राहत, उपचार र दीर्घकालीन पुनःस्थापनाको आवश्यकता रहेको भन्दै समाजले सरकार, स्थानीय तह, सुरक्षा निकाय, विभिन्न संघसंस्था, सामाजिक संस्था तथा आमनागरिकलाई आ–आफ्नो क्षेत्रबाट सहयोग गर्न अपिल गरेको छ।
समाजका अध्यक्ष पा. ज्ञानबहादुर चौधरी र सचिव खडक बिकले सहयोग रकम प्रधानमन्त्री दैवी प्रकोप उद्धार कोषमा जम्मा गरिएको जानकारी दिएका हुन्। उनीहरूले विपद्को समयमा मानवीय सेवाभावका साथ सहयोग गर्ने चर्च तथा कार्यसमिति सदस्यहरूप्रति धन्यवादसमेत व्यक्त गरेका छन्।
समाजले बाढी प्रभावित क्षेत्रमा उद्धार तथा राहत कार्यमा खटिएका सुरक्षाकर्मी, स्वयंसेवक तथा नागरिक समाजका प्रतिनिधिहरूको सुरक्षाका लागि निरन्तर प्रार्थना गरिरहेको जनाएको छ। साथै विपद्बाट प्रभावित परिवारलाई आवश्यक सहयोग उपलब्ध गराउन सबै पक्षबीच सहकार्य र एकताको आवश्यकता रहेको समाजको भनाइ छ।
]]>