गोदावरी नगरपालीकामा निमार्णधिन मष्टाधामले धार्मिक पर्यटक भित्र्याई समग्रह सुदुरपश्चिमको विकाशमा टेवा पुग्ने विश्वास लिएको गोदावरी नगरपालीका वडा नं. ४ का वडाध्यक्ष प्रेम बहादुर भण्डारीले बताएका छन।सोमबार मष्टाधाम निर्माण स्थल र संरक्षण विहिन अवस्थामा रहेको राजितालको अवलोकनका क्रममा वडाध्यक्ष भण्डारीले उक्त कुरा बताएका हुन ।

‘आजसम्म देशमा कुुनै पनि ठाउँमा निर्माण नभएको मष्टधाम सुदुरपश्चिम प्रदेशको गोदावरी नगरपालीकामा निर्माण भईरहेको छ,’ उनले भने ‘ऐतिहासिक र पर्यटन प्रर्वद्वन गरी जिल्लालाई नै समृद्विको बाटो तर्फ डो¥याउने उद्देश्य बोकेको मष्टाधाम निर्माणका लागी सबैले आ–आफ्नो क्षेत्रबाट सहयोग गर्नुपर्छ ।’ ‘बृहत गुरुयोजनाका साथ निर्माण भईरहेको मष्टाधामका लागी नगरपालीकासँग पहल गर्दा नगरपालीकाले ८ लाख मात्र विनियोजन ग¥यो,’ उनले भने ‘नेपालमै नभएको मष्टाधाम निर्माणका लागी नगरले विनियोजन गरेको रकमले मलाई साह्रै दुखी तुल्याएको छ ।’
स्थानीय स्तरबाट सहयोग जुटाई यति ठुलो कार्य गरेकोमा धन्यवाद दिदै वडा अध्यक्ष भण्डारीले आफुले गर्न सक्ने सहयोगका साथ तिनै तहका सरकारसंग आवश्यक पहल गर्ने प्रतिबद्धता ब्यक्त गरे । यसका साथै करिब ७ बिघा क्षेत्रफलमा फैलिएको संरक्षण अभावमा ओझेलमा रहेको राजिताल संरक्षणका लागी स्थानीय तहबाट कुनै पनि सहयोग नभएको बेला मष्टाधाम व्यवस्थापन समितिले जिम्मा लिएकोमा उनले समितिलाई धन्यवाद दिए ।

निर्माण भईरहेको मष्टाधाममा विश्वकै सबैभन्दा ठुलो १ सय ८ फिट अग्लो त्रिशुल स्थापना गर्ने तयारी रहेको र संसारकै सबैभन्दा ठुलो घण्ट पनि मष्टाधाममा राख्ने कोशिस गरिरहेको मष्टाधाम व्यवस्थापन समितिका अध्यक्ष गणेश बहादुर साउँदले बताए ।
गुरुयोजना अनुसार कार्य गर्दा सबैभन्दा बढि जग्गाको अभाव भएको थियो,’ साउँदले भने ‘त्यसको लागी स्थानियबासी र सामुदायीक बन मिलेर करिब ५० बिघा जग्गा दान गरेका छन ।’ मष्टाधाममा पिकनिक स्पट, मष्टाधाम एरिया, बालआश्रम, बृद्वआश्रम, संस्कृत पाठशाला र राजिताल छेउमा ध्यानकेन्द्र बनाइने गुरुयोजनामा उल्लेख गरिएको उनले बताए । गुरुयोजना अनुसारको संरचनाहरु तयार गर्नका लागी साढे ४ करोड लगानी अनुमान गरिएपनि नगरपालीकाको ८ लाख बाहेक अरु सहयोग प्राप्त नभएको अध्यक्ष साउँदले गुनासो पोखे ।

सुदुरपश्चिम धार्मिक एवम् साँस्कृतिक कलाहरुले भरीपुर्ण प्रदेश भएकाले जिल्लाकै नमुना धार्मिक स्थलको रुपमा निर्माण भईरहेको मष्टधामले ति कलाहरुको जर्गेना गर्ने उनले बताए । आफुहरुले ल्याएको गुरुयोजना अनुसार मष्टाधाम निर्माणको लागी तिनै तहका सरकारहरुलाई सहयोग गरिदिन अध्यक्ष साउँदले सबैलाई अनुरोध गरे ।
यसैगरी गोलादेउ विद्यालय व्यवस्थापन समितिका अध्यक्ष हरिश बिष्टले हजारौ वर्ष अगाडी देखी पुजिदै आएको मष्टा देवताको पुजाआजा भावी पुस्ता सम्म गर्न पाउने र बृहत मष्टधामले नगरपालीकाकै बिकट पहाडीक्षेत्रका रुपमा रहेको वडा नंं ४ स्थीत बन्दगडाको पनि विकाशमा महत्वपुर्ण भुमिका निर्वाह गर्ने हुदाँ मष्टाधाम निर्माणका लागी जस्तोसुकै सहयोग गर्न पनि तयार रहेको उनले बताए ।

सलिना सेठ्ठी

Sharing is caring!