चर्चित गजल गायक पंकज उधासको निधन भएको छ । उनी लामो समयदेखि बिरामी थिए । उहाँ ७२ वर्षको हुनुहुन्थ्यो । उनको जन्म १७ मे १९५१ मा गुजरातको जेतपुरमा भएको थियो । पंकज उधासकी छोरी नायब उधासले बुवाको निधन भएको पुष्टि गरेकी छन् ।
मिडिया रिपोर्टका अनुसार पंकज उधासको फेब्रुअरी २६ मा बिहान ११ बजे ब्रीच क्यान्डी अस्पतालमा निधन भएको हो । गायक लामो समयदेखि बिरामी थिए । विगत केही दिनदेखि उनको स्वास्थ्य ठीक थिएन । गायकको निधनको खबरले चलचित्र जगतमा शोकको लहर छ । उनका फ्यानहरु छक्क परेका छन् । सामाजिक सञ्जालमा उनको सम्झनामा फ्यानहरुले श्रद्धाञ्जली अर्पण गरिरहेका छन् ।
पंकज उधासको निधनले सबैलाई दुःख लागेको छ । चर्चित गायक तथा संगीतकार शंकर महादेवन स्तब्ध भएका छन् । उनले पंकज उधासको निधन संगीत जगतको लागि ठूलो क्षति भएको बताए । यो क्षतिपूर्ति हुन नसक्ने उनले बताए । यसै क्रममा सोनू निगमले पंकज उधासको निधनमा भावुक पोस्ट पनि लेखेका छन् ।
सोनु निगमले इन्स्टाग्राममा पोस्ट सेयर गर्दै लेखेका छन्, ‘आज मेरो बाल्यकालको एउटा महत्त्वपूर्ण अंश हराएको छ । श्री पंकज उधास जी, तपाईलाई सधैं सम्झिरहनेछ। तिमि रहेनौ भन्ने देखेर मेरो मन भरिन्छ। ओम शान्ति’।

खबरचित्र

Sharing is caring!