धनगढी, २६ वैशाख/धनगढीमा रहेको साहारा होटल म्यानेजमेन्टले यो वर्षदेखि थप सेवा बिस्तार गरेको छ । धनगढी उपमहानगरपालिका वडा नम्बर ५ तारानगरमा रहेको साहारा होटल म्यानेजमेन्टले यो वर्षदेखि नयाँ भर्ना हुने विद्यार्थीहरुलाई निःशुल्क वार टेंडर, बरिष्टा र बेकरी तालिम दिने जनाएको छ । विगत ७ वर्षदेखि सञ्चालित साहारा होटल म्यानेजमेन्टले आफ्नै सुविधा सम्पन्न बार र किचेनमा १२ महिने र १८ महिने कोर्ष अध्ययन गर्ने विद्यार्थीहरुलाई निशुल्क वार टेंडर, बरिष्टा र बेकरी तालिम दिने प्रवन्ध निर्देशक कमलराज पनेरुले बताउनुभयो ।

यहाँ अध्ययन गरेका १५० विद्यार्थीहरुलाई विश्वका तमाम देशमा रोजगारमा पठाउन सफल भएको प्रवन्ध निर्देशक कमलराज पनेरुको दावी छ । धनगढीको चौराहमा लामो समयदेखि सञ्चालनमा रहेको सौराई होटेलका सञ्चालक समेत रहनुभएका साहाराका प्रवन्ध निर्देशक कमलराज पनेरुले साहारा होटल म्यानेजमेन्टको सुदूरपश्चिम प्रदेशमा एक मात्र आफ्नै होटेल समेत रहेको दावी गर्नुभयो । ‘घरेलु पारिवारीक वातावरणमा अध्ययन गराउने साहारामा अध्ययनरत विद्यार्थीहरु होटल सोराइमा पार्ट टाइम जबसंगै पढाइ गरिरहेका छन्’ पनेरुले भन्नुभयो, ‘होटल व्यवस्थापन, फेसन डिजाइनिङ्ग, ब्यूटी पार्लर, डिएचएम र एडिएचम पढाउदै आएका छौं । हामीले रोजगारी र इन्टर्नशिपका लागि कुवेत, कतार, माल्दिभ्स, दुबई, चीन, मलेशिया, थाइल्याण्ड, भारत पठाउने गरेका छौं । यहाँ अध्ययन पूरा गरेका विद्यार्थीहरुले नेपालका बिभिन्न ठाउँमा आ–आफ्नै राम्रो क्याफे समेत सञ्चालन गरिरहेका छन् ।’

खबरचित्र

Sharing is caring!