भाद्र, ०५ धनगढी
सुदूरपश्चिम प्रदेशमै पहिलो पटक सुदूरश्चिमाञ्चल एकेडेमी (एसपिए) ले नयाँ विषय अन्तर्गत त्रिभुवन विश्वविद्यालयको सम्बन्धनमा ब्याचलर अफ होटल म्यानेजमेन्ट (विएचएम) र ब्याचलर अफ इन्फरमेशन म्यानेजमेन्ट (विआइएम) कार्यक्रमको औपचारिक रुपमा उद्घाटन गरेको छ ।

सुदूरपश्चिम प्रदेशका उद्योग, पर्यटन, वन तथा वातावरण मन्त्री माया भट्टको प्रमुख आतिथ्यतामा आज एक समारोहका बिच दुबै नयाँ शैक्षिक कार्यक्रमको उद्घाटन गरिएको हो । मन्त्री भट्टले सुदूरपश्चिम प्रदेशका क्षेत्रमा बिकाशका लागी प्राविधिक तथा व्यवसायिक शिक्षा र पर्यटनका बिषयलाई अगाडी बढाउनु पर्ने मन्त्री भट्टले जोड दिनु भयो ।

मन्त्री माया भट्ट
एकेडेमीका प्रवन्ध निर्देशक सुवास शाहीले कलेजले दक्ष प्राविधिक जनशक्ति उत्पादन गर्ने उद्देश्यले यी दुई विषयहरू सञ्चालनमा ल्याइएको हो । दुवै विषय टेक्निकल विषय र स्नातक तहमा प्राविधिक तथा व्यवसायिक शिक्षा लिन चाहने विद्यार्थीहरूका लागि विएचएम उपयुक्त विषय रहेको शाहीले बताउनु भयो ।

यस क्षेत्रको समग्र विकासका लागी यी विषयहरुको अध्ययन तथा अध्यापनले महत्वपुर्ण योगदान दिन सक्ने र यस प्रदेशको मुटुको रुपमा रहेको धनगढीमा सञ्चालित एसपिएले विभिन्न संकाय अन्तरगत नयाँ, युग सुहाउदो, सिप र रोजगारमुलक विषयको अध्यापन गराउदै आएको छ ।

खबरचित्र

Sharing is caring!