क्यानाडा

क्यानाडाका सिटिबसमा भिजिट नेपाल २०२० को प्रचार प्रसार क्यानाडाको मिसासागा सहरका सिटिबसमा भिजिट नेपाल २०२० अभियानको प्रचाप्रसार थालिएको छ । नेपाल पर्यटन बोर्ड क्यानाडा र क्यानाडा नेपाल पर्यटन सांस्कृतिक व्यापार मंचको आयोजनामा १० वटा सिटि बसमा सुदूरपश्चिमसहित नेपालका ७ वटै प्रदेशका प्रमुख पर्यटकीय गन्तव्यस्थलका तस्वीरहरु राखी प्रचार प्रसार प्रसार थालिएको हो ।

नेपाल प्रमोसन नाम दिइएको सो कार्यक्रमको उद्घाटन रिभरउड पार्कमा पञ्चकन्या सहित मिसिसागाका सांसद दीपक आनन्दले गरेका थिए । उनले भिजिट नेपाल २०२० का अवसरमा नेपाल भिजिट गर्न सवैलाई आग्रह गर्ने र नेपालको पर्यटन विकासमा सहयोग पुर्याउने बताएका थिए । कार्यक्रमका सभापति तथा नेपाल पर्यटन बोर्ड क्यानाडाका मानार्थ प्रतिनिधि नरबहादुर टण्डनले यो अभियानमा सवैले साथ दिनु पर्ने बताए ।

सिटि बसमा सगरमाथा, कुमारी, लुम्विनी पशुपतिनाथ, पोखरा, सुदूरपश्चिम प्रदेशको खप्तड, बडिमालिका, अपि सैपाल हिमाल लगायतका तस्वीर राखी प्रचार प्रसार थालिएको छ । दुई महिनासम्म यसरी बसमा प्रचार प्रसार हुने मानार्थ प्रतिनिधि टण्डनले बताए । कार्यक्रमको संचालन डा. अन्जनी भट्टराइले गरेका थिए ।

खबरचित्र

Sharing is caring!