पत्रकार निर्मला मृत भेटिनु रहस्यमय
कैलाली,केही बर्षअघी कैलालीकी पत्रकार निर्मला पहराई संग प्रेम सम्बन्ध रहेको जानकारी आएपछि उनका प्रेमी ललित जाग्रीलाई प्रहरीले नियन्त्रणमा लिएको छ । निर्मलाले ललितको अर्कै प्रेमिका रहेको थाहा पाएपछि यो घटना घटेको हुन सक्ने प्रहरीको अनुमान छ । निर्मला घरबाट ललितकोमा जान्छु भनेर हिडेको पाइएपछि ललितलाई प्रहरीले थप अनुसन्धानका लागि पक्राउ गरेको हो ।
ललितकी अर्की पनि प्रेमिका रहेको तथा निर्मला र ती प्रेमीकाबीच ललित कसको ब्वाइफ्रेण्ड भन्ने विषयमा विवाद भएको समेत आफन्तले बताएका छन् । निर्मलाका दाई बिशाल पहराइका अनुसार बहिनि ललितकोमा जान्छु भनेर हिँडेको साँझ उनले आफ्नै एक साथीलाई ललितको अर्कै पे्रमीका रहेछ, उनिहरुसंग मेरो झगडा भयो भनेर समेत भनेकी थिइन् ।
निर्मलाका परिवारका अनुसार ललितले शुरुमा निर्मला दलित हो भन्ने थाहा नपाएकै कारण उनिसंग प्रेम गरेका थिए । निर्मलाका दाई बिसालका अनुसार ललित र निर्मला संगै बस्ने हिँड्ने गरेकापनि थिए । ललित जाग्रीले केही समय सोही एफ एममा काम गरेका थिए । निर्मलाका दाई बिसालले भने ‘निर्मला पहराई ६ महिनाअघी धनगढीमा गठन भएको दलित पत्रकार संघको सुदूरपश्चिम प्रदेशको सह सचिव बनेकी थिइन् । त्यही बेला ललितले निर्मलालाई छोड्न खोजेको थियो ।’
उनका अनुसार ललितले निर्मला दलित भएको थाहा पाएपछि अर्की युवतीसंग प्रेम सम्बन्ध शुरु गरेको थियो । बुधबार ललितलाई भेटन गएकि निर्मलाले अर्को युवतीसंगको सम्बन्ध थाहा पाएपछि झगडा शुरु भएको हुनसक्ने परिवारको आंकलन छ ।
पहराईको हत्या गरिएको उनका परिवारहरूले आरोप लगाएका छन् । उनको हत्या गरि झुन्ड्याइएको उनका दाजु विशाल पहराईले दाबी गरे । शव हेर्दा पनि थाहा हुन्छ त्यो आत्महत्या होइन हत्या हो उनले भने बैनीको हत्या गर्नेलाई कडा कारबाही हुनुपर्छ ।
सञ्चारकर्मी पहराईको शव अहिले पोस्टमार्टमको लागि सेती प्रादेशिक अस्पतालमा ल्याइएको छ । तर, घटनाको छानबिन नभएसम्म पोस्टमार्टम गर्न नदिने उनले बताए ।
कैलालीका बिभिन्न नागरिक समाजद्वारा सञ्चारकर्मी पहराईको घटनाबारे छानबिनको माग गरेका छन् । दलित सङ्घ, नेपाल राष्ट्रिय दलित समाज कल्याण नेपाल, मिसन अम्बेडकर र राष्ट्रिय दलित नेटवर्कले शनिवार साझा विज्ञप्ति जारी गर्दै घटनाका संलग्नहरूलाई कारबाहीको समेत माग गरिएको छ ।
निर्मलाको अभिभावकहरुलाई उद्धृढ गर्दै निर्मलाको हत्या गरिएको बिज्ञप्तिमा समेत उल्लेख गरिएको छ । दोषी माथि कारबाही भएन आन्दोलन गर्ने समेत विज्ञप्तिमा भनिएको छ ।
ईलाका प्रहरी कार्यालय कैलालीका प्रमुख प्रहरी नायब उपरिक्षक सागर बोहराले अनुशन्धान भइरहेको जानकारी दिए । हामिले गर्नुपर्ने सबै गरिरहेका छौ उनले भने ‘अहिलेसम्म उजुरी आएको छैन हामिले मान्छेलाइ पक्राउ गरेर ल्याएर सोधपुछ गरिरहेका छौ ।’