९ आश्विन २०७८, शनिबार
सीमा क्षेत्रमा नेपाल प्रहरी र भारतीय तस्कर समूह बीच दोहोरो भिडन्त, एक भारतीयको मृत्यु
बिहीबार, फाल्गुन २० २२:००

सीमा क्षेत्रमा नेपाल प्रहरी र भारतीय तस्कर समूह बीच दोहोरो भिडन्त, एक भारतीयको मृत्यु

हरिश्चन्द्र बाग, कञ्चनपुर, २० फागुन ।
कञ्चनपुर बेलौरी नगरपालिका वडा नम्बर ७ स्थित नेपाल–भारतको सीमा क्षेत्र कालीपुल नजिक नेपाल प्रहरी र भारतीय तस्करको समूह बीच दोहोरो भिडन्त हुँदा एक जना भारतीय तस्करको मृत्यु भएको छ । नक्कली मुद्रा छाप्ने मेसिन सहितका सामग्री नेपाल भित्र्याइरहेको भन्ने सूचनाको आधारमा चेकजाँच गर्न खटिएको नेपाल प्रहरीको टोली र भारतीय तस्करहरूबीच बिहिबार साँझ गोली हानाहान हुँदा भारतको पिलिभित बस्ने ३२ वर्षीय गोविन्द सिंहको मृत्यु भएको जिल्ला प्रहरी कार्यालय कञ्चनपुरका प्रहरी प्रवक्ता एवं प्रहरी नायव उपरीक्षक अमर बहादुर थापा क्षेत्रीले बताउनु भयो ।

सादा पोशाकमा खटिएको नेपाल प्रहरीको टोलीले तस्करहरूबाट नक्कली मुद्रा छाप्न प्रयोग गरिने मेसिन सहितको झोला नियन्त्रणमा लिने क्रममा भारतीय तस्करको समूहले गोली र धारिलो हतियार प्रहार गर्दा एक जना नेपाल प्रहरीका जवान समेत सामान्य घाइते भएको इलाका प्रहरी कार्यालय बेलौरीका प्रहरी निरीक्षक कमल कुमार खड्काले जानकारी दिनुभयो । उहाँका अनुसार, त्यसक्रममा जवाफी फाइरिङ गर्दा घाइते भएका भारतीय तस्कर गोविन्द सिंहको बेलौरी स्थित ईशान मेमोरियल अस्पतालमा पुर्याउँदा मृत्यु भएको हो । मृतकको शव श्रीपुर प्राथमिक स्वास्थ्य केन्द्र बेलौरीमा राखिएको छ । तस्कर समूहमा रहेका अन्य ३ जना फरार रहेको प्रहरीले जनाएको छ ।

तस्करहरुको समूहबाट बरामद गरेको झोलामा नक्कली मुद्रा छाप्ने मेसिन, सादा कागज, कागज काट्न प्रयोग हुने कटर, सलाई, सेलटेप, रुलर, पाउडर र लागुऔषध खैरो हिरोइन जस्तो देखिने धुलो पद्दार्थ समेत फेला परेको छ । घटनाबारे थप अनुसन्धान भइरहेको कञ्चनपुर प्रहरीले जनाएको छ ।

Sharing is caring!

Latest News

भारत को हैदराबादमा लुगासुकाउने क्रममा करेन्ट टच हुदा एक नेपाली महिलाको ज्यानगयो।
बिहीबार, फाल्गुन २० २२:००
घोडाघोडी ९ को जङ्गलमा झुन्डिएको अवस्थामा युवकको शव भेटियो।
बिहीबार, फाल्गुन २० २२:००
shares