आउँदो चुनाव मा नेकपा एमालेको धरौटी जफत हुन्छ :पर्यटन मन्त्री आले
खबरचित्र सम्बादाता धनगढी ।नेपाल सरकार का संस्कृति, पर्यटन तथा नागरिक उड्डयनमन्त्री प्रेम आलेले आउँदो चुनावमा केपी शर्मा ओलीको पार्टी नेकपा एमालेको धरौटी जफत हुने दाबी गरेका छन् । डडेल्धुरा सदरमुकाममा बुधबार भएको कार्यकर्ता भेलामा आउने निर्वाचनमा एमालेको धरौटी जफत हुने दाबी उनले गरेका हुन्।
आउँदो चुनावसम्म पाँचदलीय गठबन्धन कायमै रहने भएकाले एमालेको धरौटीसमेत जफत हुने मन्त्री आलेले बताए । यसका साथै उनले सुदूरपश्चिम प्रदेशका बन्द रहेका विमानस्थल सञ्चालनमा ल्याइने बताए। उनले यहाँका विमानस्थलको स्तरोन्नति पनि गरिने बताए।
उनले डडेल्धुराको अजयमेरू गाउँपालिका–१ पुइलेकमा विमालस्थल निर्माण गर्ने प्रतिबद्धता व्यक्त गरे । नेपाल नागरिक उड्ययन प्राधिकरणका उपप्रबन्धक नलबिक्रम थापाको प्राविधिक टोलीले मंगलबारदेखि सर्भे गरिरहेको मन्त्री आलेले जानकारी दिए। साभार रेडियो धनगढी ।
