शुक्रबार, कार्तिक १ ११:१२
कैलाली खेलकुद विकास समितिको अध्यक्षमा बाबुराजा श्रेष्ठ नियुक्त
कैलाली जिल्ला खेलकुद विकास समितिको अध्यक्षमा बाबुराजा श्रेष्ठ नियुक्त भएका छन् । खेलकुद विकास समितिका निवर्तमान उपाध्यक्ष समेत रहेका श्रेष्ठलाई राष्ट्रिय खेलकुद परिषद्ले आज अध्यक्षमा नियुक्त गरेको हो ।
श्रेष्ठ क्रिकेट संघ कैलालीका उपाध्यक्ष तथा राष्ट्रिय युवा संघका केन्द्रिय सदस्य पनि हुन् । अध्यक्षमा नियुक्त भएपछि संक्षिप्त प्रतिक्रिया दिँदै उनले खेलकुदको विकास नै आफ्नो मुख्य लक्ष्य रहेको बताए । उनले खेलकुदको विकासका लागि कार्ययोजना बनाएर खेलकुद क्षेत्रलाई अगाडि बढाउने प्रतिवद्धता जनाए ।