मंगलवार, कार्तिक ५ १४:५७
दुर्गेशले हटाए युटुवबाट ‘ह्याप्पी तिहार, चिसो बियर’पक्राउ पछि
पछिल्लो समय विवादमा तानिएका गायक दुर्गेश थापाले ’ह्याप्पी तिहार, चिसो बीयर’ बोलको गीत युट्युबबाट हटाएका छन् ।
तिहारलाई लक्षित गरी उनले गाएको उक्त गीतमा ‘ए निकाल गाँजा, खानुपर्छ आज’ भन्ने अंश कानूनी रूपमा विवादमा तानिएको थियो ।
कानूनी रूपमा प्रतिबन्धित गाँजा खानुपर्छ भन्दै गीत गाएपछि दुर्गेशविरुद्ध जिल्ला प्रशासन कार्यालय काठमाडौंमा उजुरी परेको थियो ।
उजुरी परेपछि प्रहरीले उनलाई पक्राउ गरिएको महानगरीय प्रहरी अपराध महाशाखाका प्रमुख एसएसपी सहकूल थापाले बताए ।
थापा पक्राउ परेको केहीबेरमा युट्युब चेक गर्दा उक्त भिडियो हटाइसकेको पाइएको छ।
