कैलाली,

सरकारले चैत्र ११ गते देखि लागु हुने गरी गरेको लकडाउनको आज छैटौं दिन आज पनि अत्तरियाका पुरै बजार क्षेत्र सुनसान बनेका छन् । अन्य दिन बिहानैवाट चहलपहल सुरु हुने सुदूरपश्चिम प्रदेशका प्रमुख शहरहरु लकडाउन लागू भएपछि सुनसान बनेका हुन् ।

लकडाउनका कारण सुदुरपश्चिमका कतिपय ठाउँमा सामान्य दैनिक रुपमा ज्याला मजदुरी गरेर खाने परिवारहरुको जनजिबन प्रभाबित बन्दै गएको छ ।सोही अवस्थालाई मध्यनजर गर्दै नेकपा गोदावरी नगरकमिटीले लकडाउनका कारण मारमा परेका दैनिक ज्याला मजदुरी गरी खाने बर्गलाई सहयोग पुर्याउने उदेश्यले ’कोरना भाईरसका बिरुद्दको जनपक्षिय अभियान’ सुरु गरेको छ ।

सो अभियानको लागी नगरकमिटी अध्यक्ष गोकर्ण भट्टको संयोजकत्वमा १०१ सदस्य रहने गरी कमिटी बनाईएको र कमिटीमा सबै नगरकमिटीका सदस्यहरु, पार्टीका भात्री संगठनका नगर संयोजकहरु सदस्यका रुपमा रहने नगरकमिटीका सचिब आनन्द भट्टले जानकारी दिनुभयो । उहाँले अभियान मार्फत राहत कोष स्थापना गर्ने र सो कोषबाट दैनिक ज्यालादारी गरि खाने मजदुर अपांग र निम्न बर्गका ब्यक्तीहरुलाई सहयोग गरिने समेत बताउनुभयो ।

खबरचित्र

Sharing is caring!