मेघराज राय पर्सा जिराभवानी पौष ०९/
प्राविधिक शिक्षा मार्फत रोजगारीको सृजना हुने भएकोले इच्छुक विद्यार्थीहरुलाई निशुल्क भर्ना खुलिसकेको गाउँपालिका प्रमुख पदम लाल श्रेष्ठ बताउँछन् । ४ वर्षेको कोर्समा ४८ जना विद्यार्थीहरुलाई गाउँपालिकाले निशुल्क भर्नाको व्यवस्था गरेको छ।
उनका अनुसार नेपालमा करिब ४० हजार पशु चिकित्सकको आवश्यकता छ । तर, हालसम्म नेपालभर दुई हजार मात्रै दक्ष पशु चिकित्सक छन् । पशु विज्ञानमा पढाइ सकेलगत्तै रोजगारी पाइने देखिएकोले तत्काल रोजगारी नपाइए पनि खाली हात बस्नु पर्दैन। आत्मनिर्भर हुन सकिने भएकाले पशु विज्ञानमा आकर्षण बढेको श्रेष्ठको धारणा रहेको छ।
कक्षा ९ र १० मा विद्यार्थीले पशुरोग, उपचार, रोगका कारण, लक्षण, जीवाणु र औषधिकाबारे आधारभूत ज्ञान प्राप्त गर्छन् । कक्षा ११ र १२ मा पशुपालन, फार्म र खोर निर्माण, बजार विस्तारीकरणलगायत व्यावसायिक पशुपालनबारे जानकारी हुन्छ । विद्यालय तह सकेपछि नै विद्यार्थीले गाउँघरमा पशु जाँच गरेर आवश्यक सल्लाह दिने रोजगारी पाउने भएकै कारण नेपालमा भेटेरिनरी पढाईको माग बढिरहेको छ।

खबरचित्र

Sharing is caring!